Drejtoria e Përgjithshme e Doganave ka zgjidhur problemin e kamionistëve të bllokuar në pikën kufitare Qafë Thanë më 25 shkurt 2026.
Prej katër ditësh, rreth 30 kamionë ishin bllokuar në Qafë Thanë dhe pranë Hotolishtit, për shkak të shembjes së rrugës në fshatin Dragostunjë. Kamionistët kishin lëshuar një apel ndaj shtetit shqiptar një ditë më parë, duke kërkuar ndihmë për situatën e vështirë.
Autoritetet shqiptare kanë kontaktuar me ato të Maqedonisë së Veriut, të cilat do të lejojnë kthimin mbrapsht të kamionëve në Qafë Thanë dhe do t’i pajisin me një dokument për kalimin në pikën kufitare Bllatë. Prej andej, mjetet do të vazhdojnë nëpërmjet Rruga e Arbrit drejt destinacionit.
Përditësime
Policia Kufitare e Korçës bën të ditur se Maqedonia e Veriut autorizon lëvizjen e kamionëve drejt Bllatës nga ora 10:00, me të njëjtin dokumentacion tranzit dhe ripajisje të plumbosjeve të dëmtuara.
Zhvillime të tjera:
- Shembje shtesë e rrugës në Arrat e Gurrës dhe në segmentin Pogradec-Librazhd.
- Kamionistët raportojnë: "Një javë pa ujë dhe bukë."
Qendra e Shkëmbimit të Informacionit e Maqedonisë ka njoftuar se lejohet kalimi i mjeteve zhdoganuara në Bllatë, përveç atyre me dokumentacion tranziti.