Emisioni "Në Shënjestër" në News24, me autore Klodiana Lalën, transmetoi më 24 mars detaje të reja mbi anulimin e tenderit për fazën e parë të projektit Porto Romano.
Qeveria e ka prezantuar projektin si bazë detare autonome për Forcën Detare të Shqipërisë dhe aleatët e NATO-s. Sipas shpjegimit zyrtar, anulimi erdhi për shkak të rritjes së çmimeve të materialeve të ndërtimit.
Emisioni zbuloi se, dy ditë para skadimit të afatit të tenderit të parashikuar për 9 mars, Dhoma Amerikane e Tregtisë, përmes kryetarit të saj Grant Van Cleve, dërgoi një email kryeministrit Edi Rama dhe ministrit të Energjitikës Enea Karakaçi.
Në email, Van Cleve kërkoi shtyrjen dhe rishikimin e tenderit bazuar në kërkesat e fundit të NATO-s dhe Korridorit 8. Ai e cilësoi Porto Romanon si vendim strategjik për pozicionin e Shqipërisë në Evropë dhe lidhshmërinë e saj.
Propozimi parashikon një Porto Romano më të madh brenda këtij viti, me bashkëfinancim nga partnerë të Shteteve të Bashkuara dhe Italisë, si dhe zbatim nga furnitorë kryesorë nga SHBA, Italia, Hollanda dhe Turqia.
SHBA ofron asistencë nga firma amerikane të inxhinierisë për rishikimin e projektimit të Porto Romanos, hekurudhave, autostradave dhe infrastrukturës dual-use të Korridorit 8.
Përditësime
Në Shënjestër publikoi citate të reja nga emaili i Grant Van Cleve të Dhomës Amerikane. Ai shkruan: “Porto Romano — një vendim që merret një herë në shekull për pozicionin strategjik të Shqipërisë në Evropë. Dominimi strategjik i lidhshmërisë së Shqipërisë.”