Sulmuesi Neymar nuk do të jetë i gatshëm për përballjen e dytë të Brazilit në kuadër të Kupës së Botës. Sipas njoftimit zyrtar nga Federata e Futbollit e Brazilit, lojtari nuk do të udhëtojë me ekipin drejt Philadelphia-s, ku të shtunën në orën 02:30 do të zhvillohet ndeshja kundër Haitit.
Lojtari, i cili po vuan nga një lëndim në pulpë, do të qëndrojë në New Jersey për të finalizuar procesin e rikuperimit. Megjithëse Neymar është stërvitur me ushtrime fizike të martën dhe i është bashkuar grupit të mërkurën, stafi mjekësor ka vendosur që ai të mos angazhohet në këtë takim.
Kjo mungesë pason diskutimet mbi gjendjen fizike të 34-vjeçarit, çka ka shkaktuar kritika ndaj përzgjedhësit Carlo Ancelotti për vendimin e tij për ta përfshirë lojtarin në skuadër. Brazili ndodhet në Grupin C dhe e ka filluar rrugëtimin në këtë Botëror me një barazim 1:1 kundër Marokut.