Pas humbjes së Brazilit me rezultatin 2-1 përballë Norvegjisë në fazën eliminatore të Kupës së Botës 2026, Neymar konfirmoi zyrtarisht tërheqjen nga ekipi kombëtar, duke mbyllur kështu një kapitull të rëndësishëm me fanellën e “Seleçaos”.
Bashkëlojtari i tij, Vinicius Junior, reagoi me emocione ndaj këtij lajmi, duke shprehur respektin për karrierën e Neymarit. “Neymari është idhulli im. Gjithmonë kam ëndërruar të luaja me të. Mundësia për të qenë bashkë me të në kombëtare ishte një moment i paharrueshëm. I uroj suksese në jetë”, deklaroi sulmuesi.
Vinicius foli gjithashtu për zhgënjimin e eliminimit, duke u kërkuar ndjesë tifozëve për paraqitjen në këtë takim. “Është shumë e vështirë ta pranojmë eliminimin. U kërkoj falje tifozëve që besuan te ne”, theksoi ai.
Në përfundim, Vinicius premtoi se ekipi do të punojë për t'u rikthyer në majat e futbollit botëror: “Ne do të vazhdojmë përpara, nuk do të dorëzohemi. E dimë se duhet të punojmë shumë për ta rikthyer Brazilin aty ku e meriton dhe ky është objektivi ynë më i madh”.