Në prag të sezonit turistik, më 7 prill 2026, ka nisur aksioni për pastrimin dhe rehabilitimin e plazheve, në bazë të urdhrit të Prefektit të Qarkut Tiranë, Shkëlqim Hajdari.
Aksioni u zhvillua në zonën e plazhit të Vilë-Bashtovës, në Kavajë dhe Rrogozhinë. Morën pjesë rreth 300 persona, duke përfshirë kryetarin e Bashkisë Rrogozhinë Andi Proshka, administratën vendore, strukturat ushtarake dhe maturantët e dy gjimnazëve të Gosës dhe Rrogozhinës.
Forcat e ushtrisë kontribuan me 5 mjete të rënda, duke ndihmuar në pastrimin dhe rehabilitimin e zonës. Prefekti Hajdari theksoi se ky bashkëpunim institucional dhe komunitar synon jo vetëm pastrimin, por edhe transformimin e saj në një plazh publik të denjë për qytetarët dhe turistët.
Aktiviteti u organizua nga vetë prefekti Shkëlqim Hajdari, i cili ishte në terren për të mbikëqyrur punimet.