Rreth orës 11:00, në fshatin Osek Hilë të Gjakovës, një mashkull i moshës madhore ka lënduar me mjet të mprehtë veten dhe kushërirën e tij, po ashtu të moshës madhore, pas një mosmarrëveshjeje.
Zëdhënësja e Policisë së Kosovës për rajonin e Gjakovës, Vlera Krasniqi, konfirmoi ngjarjen. Sipas saj, lëndimet janë të lehta trupore dhe të dy personat e përfshirë kanë marrë trajtim mjekësor në Emergjencën e Spitalit Rajonal të Gjakovës.
Njësitë policore kanë mbërritur në vendngjarje dhe po kryejnë veprimet e nevojshme hetimore për zbardhjen e rastit.