Ideja se mbajtja e peshës trupore varet vetëm nga balancimi i kalorive të marra me ato të shpenzuara është e përhapur, por studimet e fundit tregojnë se realiteti është më kompleks.
Sipas ekspertëve të ushqyerjes, jo të gjitha kaloritë janë të barabarta dhe mënyra e ngrënies ndikon drejtpërdrejt në përpunimin e tyre nga trupi. Profesoresha Sarah Berry nga King’s College London thekson se reagimi ndaj ushqimit ndryshon nga një person te tjetri, varësisht nga faktorët biologjikë dhe mikroorganizat e zorrëve.
Koha e ngrënies ka rëndësi
Studimet dëshmojnë se personat që konsumojnë pjesën më të madhe të kalorive në mëngjes humbasin më shumë peshë krahasuar me ata që hanë kryesisht në mbrëmje, edhe pse marrin sasi të barabarta kalorish. Kufizimi i intervalit kohor të ngrënies ul marrjen totale të kalorive dhe ndihmon në reduktimin e yndyrës trupore. Ngrënia herët gjatë ditës dhe shmangia e vakteve të vona, sidomos pas orës 21:00, lidhet me nivele më të larta të sheqerit në gjak dhe kolesterolit të keq.
Shpejtësia e ngrënies ndikon në ngopje
Personat që hanë shpejt konsumojnë më shumë kalori. Ngrënia e ngadaltë ndihmon në çlirimin e hormoneve që rregullojnë oreksin dhe rrit ndjenjën e ngopjes. Trupit i duhen rreth 15 deri në 60 minuta për të aktivizuar plotësisht sinjalet e ngopjes, duke parandaluar mbingrënien dhe duke ndihmuar në kontrollin e sheqerit në gjak.
Përtypja dhe struktura e ushqimit
Mënyra e përtypjes ndikon në kaloritë e përthithura. Për shembull, bajamet japin më pak kalori nëse nuk përtypen plotësisht. Ushqimet e përpunuara absorbohen më shpejt dhe shpesh çojnë në konsum më të lartë kalorish.