Organizata Botërore e Shëndetësisë (OBSH) ka ngritur alarmin për rritjen e kequshqyerjes dhe obezitetit te fëmijët, duke kërkuar nga vendet të promovojnë ushqyerjen e shëndetshme në shkolla.
Për herë të parë, OBSH këshillon që të gjitha institucionet arsimore, përfshirë kopshtet, çerdhet dhe shkollat, si dhe mjediset e tyre, të ofrojnë vetëm ushqim dhe pije të shëndetshme. Shkollat ndodhen në vijën e parë të barrës së dyfishtë të kequshqyerjes.
Në vitin 2025, rreth një në dhjetë fëmijë dhe adoleshentë në moshë shkollore në të gjithë botën ishin obezë, numër që tejkaloi për herë të parë fëmijët nën peshë. Ndërsa në Europë, një në tre fëmijë të moshës shkollore janë mbipeshë, ndërsa 8% e tyre janë nën moshën pesëvjeçare.
OBSH thekson se nuk ka pasur përparim në uljen e mbipeshës te fëmijët, duke nënvizuar nevojën urgjente për ndërhyrje kundër shqetësimeve shëndetësore në rritje. Rekomandohet përmirësimi i ofrimit të ushqimit në shkolla për të nxitur konsum më të madh të ushqimeve dhe pijeve që mbështesin një dietë të shëndetshme.