Zyrtarët e Shërbimit Korrektues i Kosovës realizuan një operacion të gjerë bastisjeje në Qendrën Korrektuese të Dubravës më 9 maj 2026. Aksioni synoi parandalimin e veprimtarive të kundërligjshme dhe rritjen e sigurisë brenda institucionit.
Gjatë operacionit u kontrolluan të gjitha hapësirat e brendshme, përfshirë dhomat e të burgosurve, si dhe hapësirat e jashtme, salla e sportit dhe ambientet e tjera përcjellëse.
Në aksion morën pjesë zyrtarë nga institucione të tjera korrektuese, si dhe njësiti special K9. Pas përfundimit të bastisjes nuk u gjet asnjë send i kundërligjshëm.
Gjatë kontrollit u larguan sende të tepërta nga dhomat e të burgosurve dhe hapësirat e përbashkëta. Shërbimi Korrektues i Kosovës falënderoi të burgosurit për mirëkuptimin dhe bashkëpunimin, me synim ruajtjen e sigurisë dhe krijimin e një ambienti korrektues të qetë dhe të sigurt.