Zyrtarët e Shërbimit Korrektues të Kosovës (SHKK) kanë parandaluar një rast të futjes së kontrabandës në Qendrën Korrektuese të Dubravës. Gjatë një kontrolli rutinor dhe bastisjes së detajuar, stafi korrektues identifikoi sende të ndaluara të fshehura në trupin e një vizitori.
Sipas njoftimit zyrtar, sendet e sekuestruara përfshijnë 2 telefona mobilë, 1 kartelë SIM dhe 2 kabllo mbushëse. Menjëherë pas zbulimit, pajisjet janë konfiskuar si dëshmi materiale, ndërsa vizita është anuluar në përputhje me rregulloret e institucionit. Autoritetet konfirmuan se ndaj personit të dyshuar janë ndërmarrë procedurat e mëtejshme konform legjislacionit në fuqi.
SHKK ripohoi përkushtimin e saj në luftimin e kontrabandës dhe ruajtjen e rendit, sigurisë dhe integritetit brenda objekteve korrektuese, duke theksuar se kontrollet ndaj vizitorëve do të mbeten rigoroze për të parandaluar tentativa të ngjashme.