Zyrtarët korrektues në Qendrën Korrektuese të Dubravës parandaluan një përpjekje për futje të substancës së dyshuar narkotike të dielën, më 22 mars 2026, rreth orës 12:30.
Gjatë kontrollit rutinë të gjësendeve të sjella nga një vizitor, ata zbuluan një sasi substancë narkotike, e kamufluar në qese najloni, me peshë rreth 43 gramë.
Menjëherë pas zbulimit, vizita u ndërpre dhe vizitori u ndalua në sallën e vizitave deri në ardhjen e autoriteteve.
Rasti u dorëzua te Policia e Kosovës, e cila mori në posedim substancën dhe nisi procedurat ligjore përkatëse.
Shërbimi Korrektues i Kosovës ka njoftuar se do të zbatojë masa të shtuara sigurie dhe kontrolle rigoroze për të parandaluar çdo përpjekje të ngjashme në institucionet korrektuese.
Hetimi vazhdon.