Eliza Hoxha, përfaqësuese e organizatës “Liria ka Emër”, bëri të ditur se në marshin “Drejtësi, jo politikë”, që do të zhvillohet më 17 shkurt në ditën e Pavarësisë së Kosovës, do të marrë pjesë presidentja e Kosovës Vjosa Osmani dhe presidenti i Shqipërisë Bajram Begaj.
Hoxha shpjegoi se organizata ka takuar presidenten Osmani, e cila ka përgjigjur pozitivisht ftesës, ka shprehur gatishmërinë për të vijtur me një grup nga Presidenca dhe ka ofruar mbështetje për çështjet e diskutuar.
Në emisionin “Info Magazinë” të Klan Kosova, ajo tha se është shumë e lumtur për pjesëmarrjen e tyre dhe shprehu shpresën që akterë të tjerë institucionalë t’i bashkohen marshimit.
Marshimi synon të promovojë drejtësinë mbi politikën, sipas organizatës.
Përditësime
Marshimi "Drejtësi, jo politikë" mbahet në mbështetje të ish-krerëve të UÇK-së që po gjykohen në Hagë, me pjesëmarrjen e Osmanit dhe Begajt.