Presidentja e Kosovës, Vjosa Osmani, i është bashkuar marshit "Drejtësi, jo politikë" në Prishtinë më 17 shkurt 2026.
Ajo është parë në mesin e pjesëmarrësve, përkrah Endrit Thaçit, djalit të ish-presidentit Hashim Thaçi, dhe Bedri Hamzës, kryetarit të Partisë Demokratike të Kosovës (PDK). Osmani ka përshëndetur me këtë rast figura të tjera të pranishme në marsh.
Në marsh kanë marrë pjesë mijëra qytetarë, të cilët mbajnë pankarta me mbishkrime si "Historia nuk mund të rishkruhet" dhe "Liri në emër të popullit". Grumbullimi është përqendruar në sheshin "Skënderbeu", por turma shtrihet përtej hapësirës së paraparë dhe fundi i saj vështirë se dallohet në sheshet e tjera të kryeqytetit.
Marshimi zhvillohet në mënyrë paqësore, ndërsa organizatorët pritet të mbajnë fjalime në vazhdim.