Në Sheshin Skënderbeu, qytetarët kanë filluar të mblidhen për marshin “Drejtësi, jo politikë”.
Marshuesit mbajnë flamuj të UÇK-së, të Kosovës dhe kombëtarë. Ata kërkojnë drejtësi për Hashim Thaçin, Kadri Veselin, Jakup Krasniqin dhe Rexhep Selimin, të cilët po gjykohen në Dhomat e Specializuara në Hagë prej më shumë se pesë vjetësh.
Mbishkrimi kryesor “Drejtësi, jo politikë” shoqërohet me fotografinë e katër figurave. Marshi pritet të nisë në orën 14:00, ku qytetarët nga i gjithë vendi dhe përtej kufijve do të kërkojnë drejtësi pa ndërhyrje politike.
Përditësime
Marshi "Drejtësi, jo politikë" ka filluar në Sheshin Skënderbeu. Qytetarët thirrin "UÇK-UÇK" dhe mbajnë pankarta me mbishkrimet "Në emër të popullit liri" dhe "Historia nuk mund të rishkruhet". Kjo ndodh në 18-vjetorin e Pavarësisë së Kosovës, me seancë solemne në Kuvend.