Presidentja e Kosovës, Vjosa Osmani, u takua me ish-ambasadorin William Walker, ish-shefin e Misionit Verifikues të OSBE-së gjatë luftës në Kosovë. Takimi u zhvillua më 14 janar 2026, në prag të përvjetorit të Masakrës së Reçakut, sikurse çdo vit.
Në një postim publik, Osmani theksoi se Walker është njeriu që, në orët më të errëta të Kosovës, e tha dhe e mbrojti të vërtetën. Ajo e cilësoi atë si "zërin që e ktheu dhimbjen tonë në thirrje për drejtësi".
Presidentja shtoi se mirënjohja ndaj Walkerit është e përjetshme, njësoj si obligimi institucional dhe moral që e vërteta e Reçakut të mos harrohet kurrë. Kujtesa për Masakrën e Reçakut dhe respekti ndaj viktimave mbeten obligim i përjetshëm për Kosovën.