Agjencia Kombëtare e Punësimit dhe Aftësive (AKPA) ka organizuar një panair pune, për të disatin vit radhazi, për të lidhur nevojat e sipërmarrjeve me punëkërkuesit.
Në panair marrin pjesë 80 biznese me 2000 oferta pune, ndërsa online në platformën e AKPA-së janë afishuar 5500 vende të lira.
Paga për këto pozicione variojnë nga 1 mijë deri në 3 mijë euro, të shpërndara në profile të ndryshme si teknologjia e informacionit, hoteleri-turizëm dhe ndërtim, sipas Gertiola Çepani, përgjegjëse e Shërbimit të Punësimit në AKPA.
Pedagogia Malvina Kosova shpjegon se universitetet po rishikojnë planet mësimore dhe sillabuset për t’u orientuar drejt tregut të punës, duke mbajtur takime me biznese dhe profesionistë për të kuptuar nevojat dhe për t’i plotësuar ato me fuqi punëtore.
Shkollat profesionale luajnë rol të rëndësishëm, veçanërisht për profilet në sektorin e turizmit.
Qeveria ka vënë në zbatim skemën “trajnim duke punuar, kundrejt pagesës”, e cila bashkëfinancohet nga qeveria dhe sipërmarrjet.
Aplikimet dhe të gjitha procedurat mund të kryhen plotësisht në mënyrë elektronike nga punëkërkuesit.
Përditësime
Eksperimenti për të sjellë fuqi punëtore të huaj po dështon. Sipërmarrjet kërkojnë punonjës me urgjencë, ndërsa të rinjtë ankohen se nuk gjejnë punë. Çepani vë në dukje një trend të ndryshëm në profilet e punës: "Kërkesat po zhvendosen drejt profileve specifike, jo masive."