Ditën e diel, 12 prill 2026, vendi do të ndikohet nga kushte atmosferike të qëndrueshme.
Moti parashikohet kryesisht kthjellët në pjesën më të madhe të territorit nga orët e para të mëngjesit deri në pasditen e vonë. Në orët e mbrëmjes pritet shtim gradual i vranësirave mesatare deri të dendura, që do të përfshijnë të gjithë vendin.
Era do të fryjë me drejtim juglindje – jugperëndim, me shpejtësi mesatare 7 m/s. Përgjatë vijës bregdetare, veçanërisht në zonën jugperëndimore dhe në zonat luginore, era pritet të arrijë shpejtësi deri në 12 m/s.
Sa i përket kushteve detare, valëzimi në detin Adriatik dhe Jonin parashikohet i ulët deri mesatar, me forcë 1-3 ballë.