Për ditën e sotme, 31 maj 2026, vendi ynë do të ndikohet nga kushte atmosferike të qëndrueshme. Moti parashikohet i kthjellët, me vranësira të pakta kalimtare, të cilat mund të arrijnë intensitet mesatar gjatë orëve të mesditës dhe pasdites, veçanërisht në malësitë e zonës së jugut dhe në relievet malore të lindjes.
Në zonën e jugut, vranësirat pritet të sjellin reshje shiu me intensitet të ulët nga orët e mesditës deri në ato të pasdites.
Era do të fryjë nga kuadrati i veriut me një shpejtësi mesatare prej 7 m/s. Përgjatë vijës bregdetare dhe zonave luginore, era pritet të intensifikohet hera-herës duke arritur shpejtësinë deri në 14 m/s. Ndërkohë, valëzimi në Detin Adriatik dhe në Detin Jon parashikohet me forcë 2-4 ballë.