Për ditën e diel, 12 korrik 2026, territori shqiptar do të ndikohet nga kushte atmosferike kryesisht të qëndrueshme. Pjesa më e madhe e vendit, veçanërisht vija bregdetare dhe zonat qendrore, do të shijojnë mot të kthjellët gjatë gjithë ditës.
Në zonat veriore dhe lindore parashikohen vranësira të pakta deri mesatare, të cilat do të kenë karakter kalimtar. Në rajonin e Alpeve dhe në verilindje priten reshje lokale shiu me intensitet të ulët, ku nuk përjashtohen shtrëngatat e izoluara dhe afatshkurtra. Gjithashtu, në zonat malore të juglindjes dhe jugut mund të ketë reshje të izoluara në formën e pikave të shiut, ndërsa në pjesën tjetër të territorit nuk parashikohen reshje.
Era do të fryjë nga kuadrati i perëndimit me një shpejtësi mesatare rreth 7 m/s. Detet Adriatik dhe Jon do të paraqiten të qetë, me një valëzim të forcës 1-2 ballë.