Partia Demokratike ka njoftuar mbajtjen e mbledhjes konstituive të Këshillit Kombëtar, e cila do të zhvillohet të mërkurën, më 1 korrik, duke filluar nga ora 18:00. Përmes një njoftimi zyrtar, selia blu ka bërë të ditur agjendën e takimit, e cila përfshin tri pika kryesore.
Në rendin e ditës është vendosur zgjedhja e kryetarit ose kryetares së Këshillit Kombëtar, si dhe votimi për përbërjen e re të Kryesisë së Partisë Demokratike. Pas këtyre procedurave, do të shqyrtohen edhe çështje të tjera të brendshme të kësaj force politike.
Sipas informacioneve mbi strukturat aktuale, pozicionet drejtuese mbahen nga Flamur Noka si Sekretar i Përgjithshëm, ndërsa Oerd Bylykbashi dhe Luçiano Boçi shërbejnë si nënkryetarë.