Partia Demokratike ka njoftuar zyrtarisht se të mërkurën, më 15 korrik, në orën 18:00, do të zhvillohet mbledhja e Këshillit Kombëtar.
Sipas rendit të ditës, fokusi kryesor i takimit do të jetë zgjedhja e ekipit që do të mbështesë kryetarin në drejtimin e partisë. Anëtarët e Këshillit Kombëtar do të votojnë për pozicionet e mëposhtme:
- Sekretari i Përgjithshëm i PD-së;
- Nënkryetarët e partisë;
- Sekretariati i Partisë Demokratike;
- Komisioni i Apelimit.
Krahas këtyre votimeve, rendi i ditës parashikon edhe pikën "Të tjera", ku pritet të diskutohen çështje që lidhen me organizimin dhe funksionimin e brendshëm të partisë.
Përditësime
Partia Demokratike ka zyrtarizuar ekipin e ri drejtues në mbështetje të kryetarit Sali Berisha. Njoftimi konfirmon rezultatet e procesit të 1 korrikut, përmes të cilit janë zgjedhur kryetari i Këshillit Kombëtar dhe 20 anëtarët e rinj të Kryesisë. Ky zhvillim paraprin mbledhjen e Këshillit Kombëtar, e cila është parashikuar për datën 15 korrik.