Partia Demokratike do të mbledhë Kryesinë të hënën në orën 12:00, ku pritet të merren vendime të rëndësishme.
Mbledhja nis me diskutime për protestën e paralajmëruar më 22 mars, e diel. Kjo protestë lidhet me vendimin e Partisë Socialiste për të mos lejuar SPAK të arrestojë deputeten Belinda Balluku.
Në rendin e ditës përfshihen vendimmarrje për zgjedhjet në degët e PD-së, ku disa kryetarë kanë përfunduar mandatin.
Një pikë tjetër është miratimi i datës për Kuvendin Kombëtar, ku do të zhvillohen zgjedhjet për kryetar dhe pozicione të tjera drejtuese.
Mbledhja përmbyllët me ngritjen e një grupi pune për ndryshimet statutore të partisë.
Tema kryesore pritet të jetë strategjia dhe organizimi për protestën e 22 marsit.
Përditësime
Partia Demokratike (PD) publikoi njoftimin zyrtar me rendin e ditës për mbledhjen e kryesisë të hënën, që përfshin pesë pika kryesore, mes të cilave protesta e 22 marsit, statuti dhe 'të tjera'.
Grupi parlamentar i PD-së mblidhet në orën 14:00, pas kryesisë, për të diskutuar seancën parlamentare të martës, sipas të njëjtit njoftim.