Partia Demokratike ka vendosur të mbledhë Kuvendin Kombëtar më 30 maj 2026, në orën 11:00. Vendimi është marrë në përputhje me statutin e partisë dhe është bërë publik bashkë me rendin e ditës.
Në fokus të punimeve do të jenë zhvillimet aktuale politike në vend, sfidat e integrimit evropian, si dhe çështjet që lidhen me funksionimin e demokracisë dhe shtetit ligjor.
Një pikë kryesore e axhendës është përcaktimi i strategjisë politike të ardhshme të Partisë Demokratike. Grupi i punës përkatës do të paraqesë propozime për ndryshime në statut, të cilat pritet të diskutohen dhe miratohen.
Në rendin e ditës përfshihen edhe iniciativa për modernizimin dhe dixhitalizimin e partisë, si dhe forcimin e organizimit të strukturave të saj në diasporë.
Gjatë Kuvendit Kombëtar do të zgjidhen anëtarët e rinj të Këshillit Kombëtar. Ky vendim vjen një javë pas zhvillimeve të zgjedhjeve për kryetar partie dhe hapjes së garës për kandidatë kundër Sali Berishës, me afatin e dorëzimit të dokumentacionit që mbyllet më 30 prill 2026 në orën 12:00.
Vendimi nr. 113 i Kryesisë, me protokoll nr. 207 të datës 27 prill 2026, konfirmon thirrjen e këtij Kuvendi.