Më 12 qershor, Partia Socialiste do të zhvillojë një aktivitet festiv në Sheshin Italia në Tiranë, me rastin e 35-vjetorit të themelimit të saj. Ceremonia, e cila është planifikuar të nisë në orën 18:00, do të mbledhë drejtues të lartë të partisë, përfaqësues të strukturave lokale dhe qendrore, si dhe mbështetës nga qytete të ndryshme të vendit.
Sipas burimeve, të gjitha strukturat e Partisë Socialiste janë mobilizuar për të garantuar një pjesëmarrje masive, me vlerësime që flasin për praninë e rreth 15 mijë personave. Programi i festimeve do të përfshijë fjalime, momente artistike dhe një retrospektivë të rrugëtimit 35-vjeçar të kësaj force politike në jetën politike të Shqipërisë.
Ky organizim konsiderohet një moment simbolik dhe pritet të jetë një nga ngjarjet kryesore politike të muajit qershor.