Kryetari i Prishtinës, Përparim Rama, ka njoftuar se është pastruar një deponi ilegale në rrugën Muharrem Fejza. Ky aksion u zhvillua në kuadër të mirëmbajtjes së hapësirave publike në kryeqytet.
Sipas njoftimit të Përparim Ramës në Facebook, përveç largimit të mbeturinave, Komuna e Prishtinës do të ndërmarrë masa shtesë për të parandaluar krijimin e deponive të reja. Midis tyre përfshihet vendosja së shpejti e kamerave sigurie në pikat problematike.
Përparim Rama theksoi se ndaj personave që hedhin mbeturina inerte në hapësira publike do të shqiptohen gjoba. Këto masa synojnë të ruajnë pastërtinë dhe rendin në zonat urbane.