Një banesë në lagjen 10 të qytetit të Korçës u përfshi nga zjarri mëngjesin e së shtunës, më 25 prill 2026.
Sipas informacioneve paraprake, flakët dyshohet se janë shkaktuar nga një shkëndijë elektrike në kondicionerin e banesës, e cila u përhap me shpejtësi në të gjitha ambientet.
Dy mjete zjarrfikëse mbërritën në vendngjarje dhe punuan për lokalizimin dhe fikjen e zjarrit. Flakët u vunë nën kontroll dhe nuk paraqesin rrezik për banesat ngjitur.
Familjarët arritën të dalin në kohë nga banesa dhe nuk raportohet për persona të lënduar. Dëmet materiale vlerësohen të mëdha.
Policia ndodhet në vendngjarje për zbardhjen e rrethanave të ngjarjes. Gazetarja Daniela Zisi raportoi nga vendi i ngjarjes për TV Klan.