Bisedimet dy-ditore për sigurinë midis delegacioneve nga Rusia, SHBA dhe Ukraina në Abu Dhabi kanë përfunduar. Ato nisën të premten dhe u zhvilluan me dyer të mbyllura, pa njoftim zyrtar për përmbajtjen, raporton agjencia ruse RIA Novosti.
Sipas gazetarit Barack David të medias amerikane Axios, diskutimet ishin pozitive dhe konstruktive, duke cituar zyrtarë ukrainas. Ai raporton se palët kanë vendosur një takim tjetër javën e ardhshme, sërish në Abu Dhabi.
Pala ruse shprehet e gatshme për të vazhduar dialogun. Një zëdhënës i Ministrisë së Jashtme ruse deklaroi për RIA Novosti se Moska mbetet e hapur për bisedime me Ukrainën në Stamboll. “Ne mbetemi të hapur për dialog dhe e vlerësojmë veçanërisht mikpritjen e Turqisë. Topi është në fushën e Ukrainës”, tha zyrtari rus.
Një zyrtar i qeverisë amerikane u shpreh për NBC News se kontaktet ishin produktive, por nuk dha detaje të mëtejshme mbi pikat e konvergjencës ose mosmarrëveshjet. Mediat ndërkombëtare si Reuters konfirmojnë se bisedimet filluan dje në mesditë dhe nuk priten deklarata zyrtare, çka përforcon natyrën e kujdesshme të procesit diplomatik.
Përditësime
Dmitry Peskov konfirmoi se raundi i dytë i bisedimeve do të mbahet të mërkurën dhe të enjten.
Raundi i parë u zhvillua më 23-24 janar në Abu Dhabi.
Ekipin rus e udhëheq Igor Kostyukov, ndërsa atë ukrainas Rustem Umerov.
Bisedimet u shtyrë për koordinim orarësh.