Bisedimet trepalëshe mbi luftën midis Russisë, Ukrainës dhe SHBA-së në Abu Dhabi kanë përfunduar raundin e parë dhe do të vazhdojnë nesër.
Një zyrtar i Shtëpisë së Bardhë deklaroi: "Takimi trepalësh i sotëm në Abu Dhabi midis Shteteve të Bashkuara, Ukrainës dhe Rusisë ishte produktiv. Bisedat do të vazhdojnë nesër."
Presidenti ukrainas Volodymyr Zelensky bëri të ditur se çështjet territoriale do të jenë pjesë e diskutimeve. Këto çështje mbeten pikë ngërçi, pasi Rusia kërkon që Ukraina të dorëzojë territorin që ende mban në rajonin lindor të Donetskut, i cili vlerësohet rreth 20% i këtij rajoni.
Zelensky refuzoi një kërkesë të tillë, duke theksuar se Ukraina nuk do të heqë dorë nga territori që e ka mbrojtur me sukses, por me kosto të lartë, gjatë viteve të fundit.