Efektivi i policisë Edison Adri, 36 vjeç, i cili u plagos gjatë një operacioni në Maliq, ndodhet nën kujdesin e mjekëve në Spitalin e Traumës në Tiranë. Pas një ndërhyrjeje të suksesshme kirurgjikale në nofull, burimet spitalore njoftojnë se gjendja e tij është stabilizuar dhe po monitorohet vazhdimisht nga stafi mjekësor.
Në të njëjtën qendër spitalore po merr trajtim mjekësor edhe autori i dyshuar i ngjarjes, Violand Braçellari. Sipas të dhënave, ai ndodhet jashtë rrezikut për jetën dhe do të vijojë të qëndrojë në spital për kurimin e plagëve të marra gjatë përplasjes. Ndaj tij është vendosur masë sigurie nga ana e efektivëve të policisë në ambientet e spitalit, ndërsa vijojnë hetimet për zbardhjen e plotë të rrethanave të ngjarjes.