Një operacion policor në Lozhan të Maliqit për kapjen e shtetasit Violand Braçellari përfundoi me humbjen e jetës së punonjësit të policisë Enea Mekolli dhe plagosjen e efektivit të forcave “Shqiponja”, Edison Adri.
Pas ndërhyrjes fillestare dhe marrjes së ndihmës së parë në spitalin e Korçës, Edison Adri është transportuar me helikopter ushtarak drejt Spitalit të Traumës në Tiranë për të marrë trajtim të specializuar. Gjendja e tij shëndetësore raportohet e rëndë, pasi ka marrë një plumb në zonën e nofullës.
Autori i dyshuar, Violand Braçellari, i cili rezulton të jetë ish-ushtarak, ishte shpallur më parë në kërkim. Ai ishte dënuar në mungesë me 10 vjet burgim nga Gjykata e Korçës për veprën penale të prodhimit dhe shitjes së lëndëve narkotike.