Peter Magyar, kryeministri i ri i Hungarisë pas fitores në zgjedhjet parlamentare, ka deklaruar se do t’i dëbojë nga vendi personat që morën azil politik nga Viktor Orbán, nëse ata nuk largohen vetë. Kjo masë synon aleatë politikë të Orbán-it, të cilët përballeshin me probleme ligjore në vendet e tyre.
Në nëntor 2018, Nikola Gruevski, ish-kryeministër i Maqedonisë së Veriut, u arratis para se të vuante dënimin për korrupsion. Ai kaloi përmes Shqipërisë, Malit të Zi e Serbisë me ndihmën e diplomatëve hungarezë dhe mori azil politik në Hungari.
Gruevski nuk është rasti i vetëm. Në dhjetor 2024, Marcin Romanowski, ish-zëvendësministër polak i Drejtësisë dhe në kërkim nga policia për korrupsion, mori azil në Hungari. Në nëntor 2025, u arratis atje shefi i tij i mëparshëm, Zbigniew Ziobro, ish-ministër i Drejtësisë. Të dy ishin pjesë e qeverisë polake të Mateusz Morawieckit deri në dhjetor 2023 dhe kanë urdhër arresti.
Gjithashtu, politikanë nga minoritetet hungareze në Rumani dhe Ukrainë kanë kërkuar strehim në Hungari. Qeveria e Orbán-it argumentoi motive politike për akuzat kundër tyre.
Deklarata e Magyar-it vjen pas rrëzimit të Orbán-it pas 16 vitesh sundim.