Ngjarja e rëndë ndodhi në orët e para të ditës së sotme, kur një grua 32-vjeçare, nënë e dy fëmijëve, u plagos me thikë në banesën e saj. Sipas dëshmisë së fqinjëve, viktima ka arritur të zbresë vetë shkallët nga kati i dytë deri në katin e parë, ku ka kërkuar ndihmë e larë në gjak.
Hetimet paraprake të Policisë së Durrësit tregojnë se çifti Karaj, edhe pse ishte divorcuar, kishte tentuar të ribashkohej. Takimi i fundit në banesën e 32-vjeçares përfundoi në një konflikt të dhunshëm ku u përdor thika. Pamjet nga vendngjarja tregojnë gjurmë gjaku dhe sende personale të lëna në banesë.
Forcat e rendit kanë nisur kërkimet për të ndaluar Xhoni Karajn, i cili është larguar nga vendngjarja menjëherë pas krimit. E plagosura, e cila jetonte e vetme, ndodhet aktualisht nën kujdesin e mjekëve në reanimacion.