Një ngjarje e rëndë ka ndodhur mëngjesin e kësaj të premteje në Durrës, ku një 32-vjeçare është plagosur me thikë nga bashkëshorti i saj. Sipas njoftimit zyrtar të Policisë së Shtetit, ngjarja është regjistruar në lagjen nr. 16/1, ku gjatë një konflikti për motive të dobëta në banesë, 40-vjeçari Xhoni Karaj ka goditur me mjet prerës bashkëshorten e tij, shtetasen E. K..
E dëmtuara është dërguar menjëherë për të marrë ndihmën mjekësore dhe ndodhet nën kujdesin e stafit spitalor. Pas kryerjes së veprimeve të para hetimore, shërbimet e Policisë kanë identifikuar autorin dhe kanë nisur kontrollet intensive për gjetjen dhe kapjen e tij, pasi pas ngjarjes ai është larguar nga vendi i krimit.
Grupi hetimor, nën drejtimin e Prokurorisë, është duke vijuar punën për zbardhjen e plotë të rrethanave të ngjarjes dhe dokumentimin ligjor të rastit.