Një 26-vjeçar me inicialet R. K. ka pësuar plagë me mjet prerës në këmbë dhe dëmtime fizike në Durrës, si pasojë e një konflikti me një person tjetër. Ngjarja ka ndodhur rreth orës 14:00 të së dielës.
Ai është paraqitur për ndihmë mjekësore në Spitalin Rajonal Durrës, ku ndodhet nën kujdesin e mjekëve dhe është jashtë rrezikut për jetën.
Nga hetimet e para, dyshohet se ai është konfliktuar me shtetasin A. N., rreth 35 vjeç, i cili ka shkaktuar dëmtimet fizike dhe plagën me mjet prerës.
Shërbimet e Policisë së Shtetit kanë vënë në ndjekje të dyshuarin dhe po punojnë për kapjen e tij. Grupi hetimor, nën drejtimin e Prokurorisë, po kryen veprime për sqarimin e rrethanave të ngjarjes dhe dokumentimin ligjor të rastit.