Shërbimet e Komisariatit të Policisë Bulqizë kanë vënë në pranga shtetasin D.T., 28 vjeç, banues në Bulqizë, në kuadër të punës për gjurmimin, lokalizimin dhe kapjen e personave në kërkim. Kapja u bë e mundur bazuar në informacionet e siguruara në rrugë operative.
Ngjarja ndodhi në muajin shkurt 2025, pranë rrethrrotullimit të fshatit Fshat. 28-vjeçari ka dhunuar fizikisht shtetasin I.A., 51 vjeç, banues në Bulqizë. Pas konfliktit, ai i ka marrë automjetin e viktimës dhe më pas e ka dëmtuar atë.
Ndaj të arrestuarit rëndojnë akuzat për veprat penale:
- Plagosja e lehtë me dashje;
- Shkatërrimi i pronës;
- Vjedhja;
- Drejtimi i automjetit në mënyrë të parregullt.
Gjykata e Dibrës ka caktuar masën e sigurisë arrest me burg për këto vepra. Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Dibër për veprime të mëtejshme procedurale.
Përditësime
Policia e Bulqizës konfirmoi se 28-vjeçari i arrestuar quhet Dritan Tançi.