Në zbatim të Udhëzimit të përbashkët nr. 106, datë 14 qershor 2024, të Ministrisë së Infrastrukturës dhe Energjisë dhe Ministrisë së Punëve të Brendshme, Policia e Shtetit ka ndërmarrë një plan masash për menaxhimin e trafikut gjatë sezonit veror 2026.
Kufizimet prekin mjetet e transportit të mallrave me masë totale maksimale të autorizuar mbi 7.5 tonë. Masat zbatohen në autostrada, rrugë interurbane dhe urbane, veçanërisht në segmentet që përshkojnë zonat turistike dhe ato bregdetare.
Orari i kufizimeve
Gjatë fundjavave, qarkullimi i këtyre mjeteve ndalohet sipas orareve të mëposhtme:
- E premte: nga ora 15:00 deri në 24:00;
- E shtunë: nga ora 07:00 deri në 24:00;
- E diel: nga ora 07:00 deri në 24:00.
Për ditët e festave zyrtare, kufizimi fillon nga ora 15:00 e ditës pararendëse deri në orën 22:00, dhe vijon nga ora 07:00 deri në orën 24:00 të ditës së festës.
Përjashtimet nga kufizimi
Nga këto ndalime përjashtohen mjetet e emergjencës, automjetet e Polisisë së Shtetit dhe të institucioneve të tjera shtetërore. Gjithashtu, lejohen mjetet që transportojnë mallra të domosdoshme, si produktet ushqimore që prishen. Për raste të veçanta, si furnizimet kritike, autoritetet kompetente mund të lëshojnë autorizime të posaçme.