Policia e Kosovës, Drejtoria Rajonale e Policisë Mitrovicë Veri, më 16 prill 2026 ka kryer kontroll në gjashtë lokacione në Komunën e Zubin Potokut, konkretisht në fshatrat Banovë dhe Prevllak. Këto veprime u ndërmorën pas informacioneve nga qytetarët dhe në koordinim me prokurorinë e Shtetit. Si rezultat, u sekuestruan armë, municion, granata dore dhe mjete të tjera ilegale.
Detajet e sekuestrimeve sipas rasteve:
• Rasti I (shtëpi e pabanuar): 4 pushkë të ndryshme, 3 radio lidhje, 1 kamerë, 223 fishekë të ndryshëm, uniforma ushtarake dhe pajisje për pastrimin e armëve.
• Rasti II (shtëpi): 1 pushkë pa leje dhe 3 fishekë. U has personi M. R. (lindur 1972), i cili u shoqërua në stacion policor, u intervistua dhe u lirua me urdhër të prokurorit të Shtetit. Ai do të hetohet për veprën penale të armëmbajtjes pa leje.
• Rasti III (shtëpi e pabanuar): 1 armë AK-47, 3 karikatorë, 88 fishekë të armës së gjatë dhe 1 granatë dore M75 (prodhim jugosllav).
• Rasti IV (shtëpi e pabanuar): 1 armë AK-47 dhe 19 fishekë.
• Rasti V (shtëpi e pabanuar): 1 pushkë M48 e çmontuar, 1 pushkë gjuetie dhe 33 fishekë.
• Rasti VI (hambar): 1 mekanizëm i armës së gjatë M-48, thikë-bajonetë dhe uniforma ushtarake.
Të gjitha rastet janë iniciuar për veprën penale të mbajtjes në pronësi, kontroll ose posedim të paautorizuar të armëve, sipas njoftimit zyrtar të policisë.
Përditësime
Policia sekuestroi armë, municion dhe granata në dy lokacione të reja në fshatin Paljevo, Zubin Potok, më 18.04.2026.
Rasti I (hambar):
- 1 pushkë Zastava M59
- 3 fishekë 7.62 mm
- 165 fishekë 7.92 mm
- 1 uniformë ushtarake serbe
Rasti II (shtëpi e braktisur):
- 1 zollë
- 2 trombllona
- 2 granata M75
- 2 AK-47
- 9 karikatorë
- 90 fishekë armë të gjata
- 79 fishekë 11.53 mm
- 2 thika taktike