Specialistët për Hetimin e Krimeve në Komisariatin e Policisë Tropojë shpallën në kërkim shtetasin A. I., 26 vjeç, banues në Bajram Curri.
Më 10 prill 2026, rreth orës 23:00, në një lokal në qytetin e Bajram Currit, pas një konflikti për motive të dobëta, ky shtetas dyshohet se ka qëlluar me armë zjarri në drejtim të shtetasve S. M. dhe S. D., 18 vjeç, banues në Bajram Curri.
Si pasojë e të shtënave, shtetasi S. M. u plagos në dorë. Ai mori ndihmë mjekësore dhe u largua për në banesë. Viktima ndodhet jashtë rrezikut për jetën.
Shërbimet e Policisë vijojnë kontrollet për lokalizimin dhe kapjen e autorit, i cili u largua me shpejtësi nga vendngjarja. Policia ka rrethuar zonën dhe po kryen krehje të terrenit.
Vijojnë veprimet hetimore nën drejtimin e Prokurorisë për dokumentimin e plotë ligjor të ngjarjes. Materialet i kaluan Prokurorisë për veprime të mëtejshme.