Strukturat e Komisariatit të Policisë Tropojë arrestuan Akil Gjongecaj, 23 vjeç, banues në Bajram Curri, në flagrancë në qytetin e Bajram Currit.
Ai qarkullonte me një automjet tip Benz, ku gjatë kontrollit iu gjet një armë zjarri pistoletë me municion luftarak.
Nga testi i alkoolit, Gjongecaj rezultoi në gjendje të dehur. Hetimet paraprake dyshojnë se ai ka qëlluar më parë në ajër me armën e poseduar pa leje.
Policia sekuestroi armën e zjarrit me municionin si dhe automjetin. Kjo ndërhyrje vjen në kuadër të punës për goditjen e veprimtarisë kriminale në fushën e armëmbajtjes pa leje.
Materialet procedurale i kaluan Prokurorisë për veprime të mëtejshme.