Policia ka shpallur në kërkim 50-vjeçarin Tori Ruci, i njohur ndryshe si Viktor Ruci, si një nga autorët e dyshuar të vrasjes së 66-vjeçarit Rexhep Ismaili. Ngjarja ndodhi mbrëmjen e djeshme në një karburant në Sarandë.
Burime hetimore bëjnë me dije se grupi po kërkonte Rucin, me origjinë nga Tepelena dhe banues prej vitesh në fshatin Gjashtë të Sarandës. Ai ka precedentë penalë dhe së fundmi është nën hetim për trafik droge.
Dyshohet se konflikti ka lidhje me mosmarrëveshje pronësie për një lokal në zonën bregdetare, ku më parë ka pasur përplasje mes Rucit dhe një prej personave të grupit.
Sipas hetimeve paraprake, grupi kishte shkuar në karburant pasi dyshohej se Ruci ndodhej aty. Situata u tensionua kur Rexhep Ismaili ndërhyri për të shmangur përplasjen, duke deklaruar se personi i kërkuar nuk ndodhej në vend, por "në shtëpinë e tij".
Pas një debati verbal, konflikti ka degraduar në dhunë fizike dhe më pas është përdorur arma e zjarrit. Si pasojë, 66-vjeçari Ismaili mbeti i vrarë me plumb në kokë.
Një burim e quan viktimën biznesmen, por hetimet fokusohet te dinamika e konfliktit.