Një operacion i përbashkët i Policisë së Durrësit dhe Policisë së Tiranës u zhvillua më 3 shkurt 2026 për zbatimin e masave të sigurisë të firmosura nga gjykata në lidhje me çështjen e mbetjeve të kompanisë Kurum.
Gjykata ka lëshuar gjithsej 33 masa sigurie ndaj personave të dyshuar për përfshirje në këtë hetim, të drejtuar nga Prokuroria e Durrësit. Nga këto, 26 masa janë arrest me burg, ndërsa 7 masa janë arrest shtëpie.
Mes personave me arrest shtëpie është Arta Dollani, ish-drejtoreshë e Agjencisë Kombëtare të Mjedisit (AKM). Masa sigurie janë vendosur gjithashtu ndaj drejtuesve të kompanisë Kurum, biznesmenëve dhe zyrtarëve të AKM dhe Doganave.
Hetimi lidhet me eksportin e 102 kontejnerëve me mbetje nga kompania Sokolaj shpk drejt Tajlandës. Rrjeti i Bazelit ngriti alarmin se brenda tyre kishte mbetje të rrezikshme, duke çuar në kthimin e ngarkesës mbrapsht. Kontejnerët aktualisht ruhen nga policia në Porto Romano.
Përditësime
Policia e Shtetit ekzekutoi 20 nga 33 masa sigurie në total në operacionin kundër mbetjeve të kompanisë Kurum.
Operacioni u shtri në Tiranë, Elbasan dhe Durrës, ku u sekuestruan 2800 ton mbetje.
Masa sigurie u morën ndaj:
- Erdal Demir dhe Yusus Sezai, administratorë turq;
- Gjovana Sokolaj, e cila bleu mbetjet më 1 gusht 2023;
- Olizana Pemati.
Akuza përfshijnë kondrabandë mallrash të ndaluara, pastrim parash dhe shpërdorim detyre.
7 masa sigurie u zbatuan ndaj përfaqësuesve të Kurum, sipas Policisë së Shtetit.