Presidenti i Republikës, Bajram Begaj, uroi NATO-n më 4 prill 2026 në 77-vjetorin e krijimit të saj përmes një postimi në rrjetet sociale.
Kreu i shtetit përshëndeti këtë moment historik dhe riafirmoi angazhimin e Shqipërisë për të qenë partner i palëkundur i Aleancës, në shërbim të stabilitetit dhe sigurisë së përbashkët.
Në postimin e tij, Bajram Begaj shkroi:
"Prej 77 vitesh NATO është një nga arritjet më të rëndësishme të bashkëpunimit ndërkombëtar, një Aleancë e ndërtuar mbi besimin dhe solidaritetin për garantimin e lirisë, sigurisë dhe mbrojtjen e përbashkët.
NATO vazhdon të jetë simbol i unitetit dhe përgjegjësisë kolektive, duke mbrojtur vlerat demokratike dhe forcuar sigurinë Euroatlantike.
Prej 17 vitesh Shqipëria qëndron krenarisht si një anëtare e denjë në këtë familje, duke kontribuar për paqen, sigurinë dhe mbrojtjen kolektive. Rritja e buxhetit të mbrojtjes, si dhe kontributi aktiv në misione e operacione të NATO-s janë dëshmi e përkushtimit tonë të palëkundur ndaj vlerave të përbashkëta."