Presidentja e Republikës së Kosovës, Vjosa Osmani, priti në takim shefin e EULEX-it, Giovanni Pietro Barbano.
Gjatë takimit u bisedua për zhvillimet e fundit në fushën e sigurisë dhe sundimit të ligjit. Osmani ritheksoi përkushtimin e institucioneve kosovare për garantimin e rendit dhe ligjit, si dhe për avancimin e standardeve demokratike.
Bashkëbiseduesit diskutuan bashkëpunimin ndërmjet institucioneve të Kosovës dhe EULEX-it, duke theksuar rëndësinë e koordinimit të vazhdueshëm në funksion të forcimit të sundimit të ligjit.
Të dyja palët vlerësuan bashkëpunimin e ngushtë drejt avancimit të agjendës për gratë, paqen dhe sigurinë, si dhe zbatimin e standardeve të Konventës së Stambollit, në funksion të mbrojtjes së të drejtave të njeriut dhe fuqizimit të rolit të grave në shoqëri.