Presidentja e Kosovës, Vjosa Osmani, vizitoi të mërkurën, më 25 mars 2026, Qendrën Nacionale të Xhudos në Pejë.
Ajo u prit nga kryemjeshtri i Federatës së Xhudos së Kosovës, Driton Kuka, i shoqëruar nga kampionet olimpike Majlinda Kelmendi, Distria Krasniqi dhe Laura Fazliu, si dhe nga xhudistë të tjerë elitarë të vendit.
Gjatë vizitës, Osmani u njoh nga afër me punën dhe përkushtimin e sportistëve, duke vlerësuar sukseset e tyre në arenën ndërkombëtare dhe rolin e xhudos në promovimin e Kosovës jashtë kufijve.
Në qendër ishin të pranishëm edhe xhudistë nga Ukraina, të cilët po qëndrojnë dhe po stërviten në Pejë në kuadër të Kampit Ndërkombëtar të Xhudos.