Komuna e Prishtinës ka njoftuar qytetarët për ndryshimin e përkohshëm të itinerareve të transportit publik. Ky vendim është marrë për shkak të punimeve që po zhvillohen në segmentin e rrugës Ilir Konushevci, konkretisht në pjesën nga kryqëzimi me semaforë në rrugën Lidhja e Prizrenit deri te kryqëzimi me semaforë në rrugën Vëllezërit Fazliu.
Linjat e autobusëve që do të ndikohen nga këto devijime janë: 3, 3A, 3B, 3C, 6, 6A, 7B, 8, 11, 12, 13, 15, 16, 22, 23, 25, S22 dhe S25.
Sipas njoftimit zyrtar, këto ndryshime do të mbeten në fuqi deri në përfundimin e punimeve dhe rihapjen për qarkullim të segmentit të lartpërmendur. Komuna u ka bërë thirrje qytetarëve për mirëkuptim, ndërsa itineraret e reja për secilën linjë janë publikuar për të gjithë përdoruesit e transportit publik.