Sipas raportimeve të fundit për gjendjen në pikat kufitare, pika e Merdarës është aktualisht pika më e ngarkuar për qytetarët që synojnë të dalin nga Kosova, ku koha e pritjes arrin deri në 60 minuta.
Në pikën kufitare Dheu i Bardhë, qytetarët që hyjnë në territorin e Kosovës përballen me pritje prej rreth 10 minutash, ndërsa për ata që dalin vonesat janë rreth 20 minuta, me një kolonë që shtrihet në rreth 150 metra.
Sa i përket pikës kufitare në Jarinjë, koha e pritjes në të dyja drejtimet, si në hyrje ashtu edhe në dalje, raportohet të jetë nga 10 deri në 15 minuta. Në pikat e tjera kufitare të vendit, situata paraqitet më e qetë, ku koha e pritjes nuk i kalon 2 deri në 5 minuta.