Instituti i Statistikave (INSTAT) ka publikuar të dhënat vjetore për sektorin energjetik të vitit 2025, duke nxjerrë në pah rritjen e prodhimit nga "prodhues të tjerë", ku përfshihet energjia fotovoltaike.
Gjatë këtij viti, ky prodhim arriti 984 GWh, pothuajse dyfish krahasuar me 2024, me rritje 94,3%. Në tremujorin e katërt, ai tejkaloi 208 GWh.
Në strukturën e prodhimit total vendas, hidrocentralet zinin 45%, prodhuesit privatë dhe koncesionarët 41%, ndërsa 13,2% erdhi nga burime të tjera rinovueshme si fotovoltaikët. Prodhimi neto i energjisë elektrike ra në 7.468 GWh, me 4,7% më pak se viti paraardhës, për shkak të kushteve hidrike të dobëta. Importet u rritën 26,5%, ndërsa konsumit familjar iu zgjerua me 6,8%.
Humbjet në rrjet u ulën në 1.593 GWh, me rënie 1,3%.
Zhvillime dhe synime
Shqipëria synon që brenda pesë vitesh të prodhojë rreth 30% të energjisë së nevojshme nga dielli dhe era. Ministria e Infrastrukturës dhe Energjisë (MIE) ka dhënë licenca për parqe të mëdha fotovoltaike dhe eolike gjatë pesë viteve të fundit.
Dy muaj më parë, ish-ministrja Belinda Balluku autorizoi kompaninë amerikane CWP për parkun eolik të Tropojës me kapacitet 600 MW. Investimet në parqe fotovoltaike dhe instalime në çati kontribuojnë në diversifikimin e burimeve energjetike.