Prokuroria e Korçës ka nisur hetim në muajin korrik 2025 për veprimet e ish-drejtorit të burgut Drenovë, Fatjon Fasho, dhe ish-shefit të policisë së burgut, Sokol Kaçoli.
Hetimi u iniciua nga një kallëzim i Drejtorisë së Përgjithshme të Burgjeve, e cila kërkoi ndjekje penale për shpërdorim detyre lidhur me futjen në burg të personave për takime speciale me të dënuar me burgim të përjetshëm.
Në fokus është modelja kosovare Ziza Pajaziti, e cila më 12 qershor 2025 hyri në burgun e sigurisë së lartë Drenovë, duke u paraqitur si gruaja e të dënuarit me burgim të përjetshëm Vladimir Kurti.
Në fakt, ajo zhvilloi takim special me Laert Haxhiun, i dënuar me burgim të përjetshëm për vrasjen në Lushnjë të Zamir Latifit dhe Jurgen Hoxhës.
Ziza Pajaziti nuk është gjetur nga policia dhe prokuroria prej gati një viti.
Prej gati një muaji, Prokuroria e Korçës kërkon ta marrë në pyetje për sqarimin e rrethanave të futjes në burg.
Ajo ka kërkuar nga Ministria e Punëve të Brendshme informacion mbi vendndodhjen dhe adresën e banimit të saj në Tiranë, për dërgimin e fletëthirrjes.
Deri tani, asnjë person nuk është marrë i pandehur për shpërdorim detyre në lidhje me këto ngjarje.
Përditësime
Prokuroria e Korçës e ka shpallur në kërkim Ziza Pajazitin për mos përgjigje ndaj fletëthirrjes, sipas gazetarit Elton Qyno.