Prokuroria e Shtetit ka njoftuar se gjatë 24 orëve të fundit ka ngritur 62 aktakuza ndaj 77 personave në Kosovë.
Organi i akuzës i ngarkon këta të pandehur për vepra të ndryshme penale. Sipas raportit 24-orësh, në të gjitha prokuroritë e vendit u lëshuan 17 urdhëresa për ndalimin e 17 personave, ndërsa u bë një kërkesë për caktimin e masës së paraburgimit ndaj një personi.
Vepra penale përfshijnë:
- kanosje;
- vjedhje;
- dhunë në familje;
- ngacmim;
- sulm seksual;
- dhunim;
- armëbajtje pa leje;
- lëndim i rëndë trupor;
- deklarime të rreme;
- dhe vepra të tjera.