Prokuroria Themelore në Prishtinë, Departamenti i Përgjithshëm, ka ndaluar për 48 orë një person me inicialet D.B., të identifikuar si Durim Berisha, ish-këshilltar i kryeministrit në detyrë Albin Kurti.
Sipas njoftimit zyrtar të datës 2 maj 2026, ekziston dyshim i bazuar se i ndaluari ka kryer veprat penale “Ngacmimi” sipas nenit 182 dhe “Detyrimi” sipas nenit 328 të Kodit Penal të Republikës së Kosovës. Prokuroria ka siguruar prova relevante nga komunikimi direkt i të dyshuarit me palën e dëmtuar.
Ky rast nuk lidhet me pretendimet apo denoncimet publike të bëra nga i dyshuari, të raportuara në disa media. Këto raportime bazohen në deklaratat e avokatit mbrojtës dhe nuk përputhen me faktet e konstatuara nga organet e hetimit.
Prokuroria Themelore në Prishtinë thekson përkushtimin për luftimin e kriminalitetit, forcimin e sundimit të ligjit dhe vënien para drejtësisë të shkelësve të ligjit.